Што такое Вялікая Фацімская Навэнна

13 мая 2017 года адбудзецца стогадовы юбілей фацімскіх аб’яўленняў, падрыхтоўкай да якога з’яўляецца Вялікая Фацімская Навэнна, якая злучае ўсе сэрцы, адданыя Беззаганнаму Сэрцу Марыі.

Вялікая Фацімская Навэнна не з’яўляецца формай набажэнства, у рамках якога трэба толькі памаліцца канкрэтнымі малітвамі. Вялікая Фацімская Навэнна – гэта прагненне злучыць усе сэрцы, якія любяць Марыю, каб дапамагаць сучаснаму свету пазнаваць фацімскія пасланні і адказаць на просьбы Божай Маці.

Навэнна распачалася 13 мая 2009 года, аднак далучыцца да яе можна ў любы час кожнаму, хто хоча маліцца і працаваць для Марыі. У Фаціме Маці Божая запрасіла нас да супольнай працы ў справе збаўлення людзей. Сёння, калі стаім на парогу стогадовага юбілею Яе аб’яўленняў ў Фаціме, прагнем прыняць у нашых сэрцах заклік актыўна ўдзельнічаць у выратаванні свету. Таму Навэнна – гэта нашыя малітва, ахвяра, катэхэза, апостальства, абвешчанае казанне, запрашэнне да супольнага ружанца ці набажэнства першых суботаў месяца; усё дзеля таго, каб больш людзей на ўсім свеце ведала і любіла Марыю, каб надыйшоў час трыумфу Яе Беззаганнага Сэрца.

Што азначае далучыцца да Вялікай Фацімскай Навэнны?

1.      Разважаць таямніцы Святога Ружанца, лепш кожны дзень. Калі хтосьці ніколі не моліцца на Ружанцы, не мае нічога супольнага з Навэннай.

2.      Адпраўляць набажэнствы ў першыя суботы месяца, у якіх удзельнічаем прынамсі пяць суботаў месяца, не прапускаючы ніводнай суботы. Хто на працягу Навэнны ні разу не адправіць набажэнства пяці першых суботаў месяца, не з’яўляецца яе ўдзельнікам.

3.      Свядома прысвяціць сябе Беззаганнаму Сэрцу Марыі. Без прысвячэння сябе Найсвяцейшай Маці цяжка казаць аб жыцці фацімскім пасланнем, і тым самым, аб удзеле ў Вялікай Фацімскай Навэнне.

4.      Удзел у Навэнне праз чытанне малітваў Вялікай Фацімскай Навэнны, напрыклад, адзін раз у тыдзень.

5.      Удзел у фацімскіх набажэнствах кожны трынаццаты дзень месяца. Прыняцце ўдзелу ў іх, аднак, не з’яўляецца абавязковай умовай.

6.      Пазнаваць усё лепей Марыю праз чытанне літаратуры і вучыцца кожны дзень усё болей Яе любіць. Ніхто з нас не будзе апосталам фацімскага паслання, калі спачатку сам яго не пазнае і не распачне паводле яго жыць.

Больш інфармацыі можна знайсці на старонцы www.sekretariatfatimski.pl

А таксама на старонцы Санктуарыя Маці Божай Фацімскай www.smbf.pl

 Матэрыялы патрэбныя да набажэнства Вялікай Фацімскай Навэнны можна замаўляць у Фацімскім Сэкратарыяце:

Sekretariat Fatimski
Os. Krzeptówki 14
34-500 Zakopane
e-mail: fatima@smbf.pl
tel. (0-18) 20 66 420

Адміністрацыя старонкі
sercamaryi@tut.by